Dımashtyń jankúıerleri sý tasqynynan zardap shekken brazılııalyqtarǵa kómektesti

NUR-SULTAN. QazAqparat – Dımash Qudaıbergenniń fan-klýby Brazılııada sý tasqynynan zardap shekken otbasylarǵa azyq-túlik taratty, dep habarlaıdy QazAqparat dimashnews-ke silteme jasap.

Dımash Qudaıbergenniń Brazılııadaǵy fan-klýby sý tasqynynan zardap shekken adamdarǵa kómek kórsetý úshin maýsym aıynda qaıyrymdylyq aktsııasyn bastaǵan. Olar bir apta ishinde 1 450 real (130 500 teńge) jınap, azyq-túlik pen birinshi qajettiliktegi quraldar satyp alady.

3 shildede fan-klýb músheleri ıAsmım Gabrıellı men zoraıa Alves Pernambýký shtatynyń Igarasý qalasyndaǵy 26 otbasyna kómek sebetterin tapsyrdy. Ánshiniń jankúıerleri muqtaj jandarǵa qamqorlyq jasaý budan bylaı da jalǵasatynyn aıtady.

Aıta keteıik, Brazılııada sý tasqyny men kóshkin saldarynan 106 adam qaza tapqan bolatyn.