Dımashtyń jańa kompozıtsııasynyń biri -«Fly Away» alǵash ret japon radıosynda shyrqalmaq

NUR-SULTAN. QazAqparat – 4 qarasha kúni Dımash Qudaıbergenniń jańa kompozıtsııalarynyń biri «Fly Away» tanymal FM Kiryu japon radıostantsııasynyń efırinde shyrqalady, dep habarlaıdy QazAqparat dimashnews-ke silteme jasap.

FM Kiryu efırinde qazaqstandyq oryndaýshynyń ánderin usyný dástúrge aınaldy. Dımashtyń tanymal «Screaming» kompozıtsııasy alǵash ret japon radıostantsııasynda 2020 jyldyń 18 maýsymynda shyrqalǵan bolatyn.

Sol kezde ánshiniń daýysyn estigen radıo júrgizýshileri qatty tańǵaldy. Sonymen qatar, efır kezinde olar kóptegen jaqsy pikirler aldy.

Alǵashqy efırden keıin japon fan klýbynyń jankúıerleri birden basqa kompozıtsııaǵa suranys jasady. Birneshe ret suratqan. Osylaısha, 4 qarashada «More Music» baǵdarlamasynda qazaqstandyq ánshi ániniń altynshy translıatsııasy ótedi.

Jańa efırde radıo júrgizýshiler ánshiniń «Fly Away», «Daıdıdaý» jáne «Golden» atty úsh kompozıtsııasyn rotatsııalaýdy josparlap otyr.