Dımashtyń týǵan kúninde Qytaıda aýqymdy qaıyrymdylyq sharasy ótedi
ASTANA. QazAqparat - «Men ánshimin» baıqaýy kezinde Qytaıda Dımashty qoldaıtyn birneshe uıym qurylǵan. Onyń árqaısynda birneshe mıllıonnan adam bar.
Dimash Sisters, 25 Dears, Dombra, Dimdears, DearsForever dep atalatyn uıymdar baıqaý kezinde ánshige óte zor qoldaý kórsetti, dep jazady aktobegazeti.kz.
Endi baıqaý bitti. Álgi uıymdar taraı ma? Joq. Qytaıdyń Weibo áleýmettik jelisi taratqan taratqan habarlarǵa sensek, olar ári qaraı da jumystaryn jalǵastyra bermek.
Qytaıda jankúıer mádenıeti degen uǵym múlde bólek kórinedi. Ótkende Dımashtyń alǵashqy týrda kıip shyqqan kıimi satylyp ketkeni týraly habarlanǵan bolatyn. Oqıǵa bylaı bolǵan. Sondaǵy belgili bir saıtqa suhbat bergen Dımash qazaqy darhandyqpen alǵashqy týrǵa kıip shyqqan kıimin syıǵa tartqan. Álgi saıt dereý túsken kıimdi aýktsıonǵa shyǵaryp, odan túsken qarjyny jetim-jesirge, jetim balalarǵa úlestiriletinin habarlaǵan. Bastapqy baǵasy bizdiń aqshaǵa shaqqanda, 8500 teńgedeı bolǵan. Aýktsıonǵa 169 adam qatysqan. Sol kezde joǵaryda atalǵan uıymdardyń biri bizdiń aqshaǵa shaqqanda, 7 mıllıon, 200 myń teńgege shamalas qarjyǵa satyp alypty. Óıtkeni olardyń baılamynsha, Dımashqa qatysty árbir dúnıe, tipti tıtteı nárse bolsa da saqtalýy tıis.
Weibo áleýmettik jelisi taratqan habar boıynsha, Dımash týǵan kúni - 24 mamyrda Qytaıda aýqymdy qaıyrymdylyq shara ótpek. Oǵan Dımashty qoldaıtyn uıymdar atsalysatyn bolady.
Kúnshyǵys eli úshin Dımashtyń esimi endi osylaısha Іzgiliktiń sınonımi bolmaq.
