Dımashtyń «Singer» baıqaýynyń fınalyndaǵy qarsylastary anyqtaldy

ASTANA. QazAqparat - 23 naýryz kúni Qytaıda qazaqstandyq ánshi Dımash Qudaıbergen qatysyp jatqan «Singer - 2017» án dodasynyń jobadan shyǵyp qalǵan ánshilerine arnalǵan «jubatý» básekesi aıaqtaldy. 

Nátıjesinde, fınalǵa joldamany jeti ánshi aldy.

Buǵan deıin habarlaǵanymyzdaı, 10 kezeńnen turatyn baıqaýdyń irikteý kezeńi óz máresine jetti . Jobanyń bastapqy úsh ánshisi, sonyń ishinde D.Qudaıbergen aqtyq synǵa tikeleı joldama aldy. Al keshe ǵana bolyp ótken «jubatý» básekesine baıqaýdan shyǵyp qalǵan 10 ánshi qatysyp, onyń tek 7-eýi fınalǵa shyqty. Osylaısha, baıqaýdyń sheshýshi básekesinde 10 ánshi óner kórsetetin bolady, dep habarlaıdy QazAqparat tilshisi.

«Singer 2017» án dodasynyń fınalısteri:

    1.Dımash Qudaıbergen

    2.Lın Ilıan (Sandy)

    3.Lion toby

    4.Lın Chjısıýan

    5.Lı Tszıan

    6.Pen Djııahýeı

    7.Chjan Tsze

    8.Dý Lısha (Teresa Carpio)

    9.Chjan Bıchen

    10.ıÝýan ıAveı (Tia Ray)

Aıta keterligi, Dımash irikteý kezeńderinde tórt ret birinshi oryn alyp, jalpy esepte kósh bastap tur.

Eske sala keteıik, jas ánshimiz baıqaýdyń onynshy kezeńinde óz áni «Umtylmas kúndi» oryndap, fınalǵa joldama aldy. Bul kezeń efırden 25 naýryz kórsetiletin bolady. Al eki kezeńnen turatyn fınal 8 jáne 15 sáýir kúnderi tikeleı efırden kórsetiledi.