Dımashtyń Nıý-Iorktegi jeke kontsertin qaı telearna kórsetedi

NUR-SULTAN. QazAqparat - «Arnau tour ENVOY» keshi «Qazaq áýenderi» aktsıonerlik qoǵamynyń uıymdastyrýymen 10 jeltoqsanda Nıý-Iorktiń «Barclays Center» arenasynda ótedi, dep habarlaıdy «Qazaqstan» RTRK» AQ baspasóz qyzmeti.

Kontsert Qazaqstannyń AQSh-taǵy mádenıet kúnderi aıasynda uıymdastyrylyp otyr.

«Arnau tour ENVOY» - maýsym aıynda «Qazaqstan» RTRK» AQ uıymdastyrýymen Nur-Sultan qalasynda ótken «ARNAU» kontsertiniń jańarǵan nusqasy. Álem tyńdarmandary bul keshte jańa baǵdarlamamen qatar, «ARNAU» baǵdarlamasynyń úzdik nómirlerin kóretin bolady.

Kontserttiń televızııalyq nusqasynyń kórsetilim ýaqyty qosymsha jarııalanady.