Dımashtyń qytaılyq fanattary Býrabaıda demaldy
Eske sala ketsek, buǵan deıin Dımash Qudaıbergenniń jeke kontsertin tamashalaý úshin ánshiniń bir top fanattary Astanaǵa ushyp kelgenin aıtqan bolatynbyz. Olar osy kúnderi «EKSPO- 2017» Halyqaralyq kórmesin tamashalap, Býrabaı demalys aımaǵyna da baryp úlgeripti. Dımashtyń jankúıerleri qazaq jeriniń erekshe áser qaldyrǵanyn aıtady.
«Dımashtyń kontsertin tamashalaýǵa Beıjińnen arnaıy keldim. Múmkindik bolsa, Dımashpen sýretke túsip, qoltańbasyn alǵym keledi. Qazaq elin kórgenime óte qýanyshtymyn! Astanadaǵy «EKSPO-2017» kórmesi joǵary deńgeıde uıymdastyrylypty. Sosyn biz Býrabaıda boldyq, tabıǵaty keremet! Sózben aıtyp jetkize almaımyn. Taza aýa, móldir sý bári-bári adamdy qatty baýraıdy», - deıdi Dımashtyń fanaty Lıý Chıan.
Eske salaıyq, «Bastaý» kontserti EKSPO-2017 halyqaralyq kórmesi aıasynda 27 maýsym kúni elordadaǵy «Astana Arena» stadıonynda ótedi. Dımash Qudaıbergen kontsertke qatysatyn ánshilerdi kópshilikke jarııalaǵan bolatyn . Olar - Qytaıdyń belgili ánshisi Terrı Lın, Evrovıdenıe-2012 baıqaýynyń jeńimpazy Lorın (Shvetsııa), Ulybrıtanııa ánshisi Sofı Elıs Bekstor, Krıstına Orbakaıte (Reseı) jáne Qazaqstannyń eńbek sińirgen ártisi, opera ánshisi Maıra Muhamedqyzy.
