Dımashtyń qytaılyq áleýmettik jelidegi paraqshasyna jazylýshylar sany mıllıonnan asty
ASTANA. QazAqparat - Dımash Qudaıbergenovtyń Qytaıdaǵy «Vıbo» (Týıtterdiń Qytaıdaǵy balamasy - red.) áleýmettik jelisindegi paraqshasyna jazylýshylardyń sany 1 mıllıon 323 myń 569 adamǵa jetti, dep habarlaıdy QazAqparat.
«Vıbo» - qytaılyqtardyń eń kóp qoldanatyn áleýmettik jelisi. Ánshi jelidegi zańdy paraqshasyn 9 qańtar kúni ashqan bolatyn. Sonymen birge «Vıbo» jelisinde Dımashqa jankúıerlik etetin toptar da qurylǵan. Solardyń biri «Dımashtyń álemdik jankúıerleri» dep atalatyn topqa 14 095 adam qosylǵan.
Aıta keteıik, keshe jarııalanǵan Reseılik tanymal ánshisi Vıtastyń ánine ıelik etýshi «Pýdovkın» prodıýserlik ortalyǵynyń Hýnan telearnasyna jazǵan shaǵymynan keıin, qytaılyq jeli paıdalanýshylaro pikiri ekige jaryldy. Olardyń bir bóligi Dımashqa qoldaý bildirse, endi bir bóligi Vıtasqa jankúıerlik etken.
Eske salaıyq, Dımash jobanyń birinshi kezeńinde frantsýzdardyń oryndalýy qıyn áıgili «SOS d'un terrien en détresse» ánin shyrqap kórermenderdi tánti etti . Alǵashqy efırden keıin onyń Sina Weibo áleýmettik mıkroblogyna jazylýshylardyń sany 35 myńnan bir saǵatta 118 myńǵa jetken bolatyn.
