Dımashtyń frantsııalyq jankúıeri «Daıdıdaýdy» qazaqsha oryndady
YouTube vıdeo-hostıngine júktelgen beınejazbada Klarıs esimdi frantsýz qyzy «Daıdıdaýdy» bar yntasymen oryndap, Dımashtyń talantyna erekshe tánti ekenin jetkizgen.
Aıta keterligi, Dımash Qudaıbergen 21 qańtarda Qytaıdaǵy «Singer 2017» baıqaýynyń birinshi kezeńinde álemde eń qıyn bes ánniń biri sanalatyn frantsýzdyń «SOS d'un terrien en détresse» ánin shyrqap, Qytaı men Frantsııa elderin tańǵaldyrǵan bolatyn. Frantsııada turatyn áıgili ánshi Lara Fabıan da qazaqstandyqtyń ónerin baǵalap, tańdanysyn jasyra almady.
Dımashtyń PR menedjeri Alpamys ótken aptada ánshimen birge Parıj qalasyna barǵandyǵy týraly jáne bul saparlarynyń maqsatyn jaqyn kúnderi jarııalaıtynyn aıtqan bolatyn.
Eske sala keteıik, buǵan deıin «Daıdıdaý» ánin Dımashtyń qytaılyq jankúıerleri qytaı tilinde shyrqaǵan edi.
Aıta keteıik, shyńjańdyq ánshi Gao Iin (高樱) 2012 jyly atalmysh án qamtylǵan halyq ánderi albomyn shyǵaryp, ıtalııanyń «Premio Lunezia» syılyǵyn jeńip alǵan birden-bir qytaılyq ánshi atandy.