Dımashtyń fanattary ánshi týraly aqparattardy álemniń 11 tiline aýdarmaq

ASTANA. QazAqparat - Dımashtyń fanattary ánshi týraly aqparattardy álemniń 11 tiline aýdaryp, taratpaq. Bul týraly QazAqparat tilshisine Astanadaǵy ánshiniń kontsertine arnaıy kelgen  ánshiniń jankúıerleri aıtyp berdi, dep habarlaıdy QazAqparat.

«Biz Dımash Qubaıbergendi erekshe qurmetteımiz. Onyń júrgen jerin, jutqan aýasyn kórý úshin Qazaqstandaǵy kontsertine arnaıy keldik. Úlken daıyndyqpen óz syılyqtarymyzdy ala keldik. Biz Dımash týraly aqparattardy, oǵan qatysty beınejazbalardy álemdegi ánshiniń fanattary úshin  11 tilge aýdaryp, ıÝtýb kanalyna júktep jatyrmyz», - deıdi ánshiniń fanaty Tan Mılıń. 

 

Olar Dımashtyń kontsertine kelýdi erte josparlaǵandyǵyn aıtty.

 

«Biz qytaıdyń ár ólkesinen keldik. Astanada Dımashtyń kontserti ótedi degennen bastap, demalyssyz jumys jasap, eńbek demalysymyzdy osy ýaqytqa sáıkestirdik», - deıdi olar.