Dımashtyń elordadaǵy kontsertine bılettiń 80 paıyzy satylyp ketti

NUR-SULTAN. QazAqparat - 2019 jyldyń 29 maýsymynda Nur-Sultan qalasynda ótetin Dımash Qudaıbergenniń kontsertine búgingi kúni bılettiń 81 paıyzy satylyp ketti, dep habarlaıdy QazAqparat tilshisi.

Bul týraly «Qazaqstan» RTRK AQ baspasóz qyzmetinen habarlady. Aıta ketsek, «Arnau» kontsertiniń bas uıymdastyrýshysy - «Qazaqstan» RTRK AQ. Bıletterdi satý boıynsha bas operator - www.zakazbiletov.kz. Sondaı-aq, bıletter www.biletiastana.kz saıtynda qoljetimdi.

«Kontsert boıynsha barlyq jańalyqtardy instagram jáne facebook áleýmettik jelilerindegi @dimash_arnau resmı paraqshasynan bile alasyzdar. Basqa aqparat kózderinen alynǵan málimetterge súıenbeı, resmı paraqshadaǵy aqparatqa nazar aýdaryńyzdar!», - delingen habarlamada.

Eske sala ketsek, Dımash Qudaıbergenniń kontserti 29 maýsymda «Astana-Arena» saraıynda ótedi. Bıletter 18 naýryzdan satyla bastaǵan.

Kontsertke bılet satyp alýshylardyń eń kóbi - qazaqstandyqtar. Odan keıin Reseı, AQSh, Qytaı, Ulybrıtanııa, Frantsııa, Germanııa, Japonııa, Túrkııa, Nıderland, Rýmynııa, Polsha jáne t.b elder. Eń alys elderdiń arasynda: Brazılııa, Meksıka, Afrıka, Kanada, Aýstralııa bar.