Dımashtyń elordadaǵy kontsertinde bolǵan sheteldikter Qazaqstanǵa qaıta kelmek
Sheteldik jankúıerler ánshiniń kontsertinen keıin Almaty qalasynda bolyp, onyń kórikti jerlerin tamashalap qaıtqan. Frantsýzdar ásirese qazaqstandyqtardyń aqpeıildiligi men elimizdiń ásem tabıǵaty úlken áser etkenin aıtady. Fan-klýbtyń barlyq derlik músheleri kelesi eńbek demalystarynda elimizge qaıta kelýdi sheship otyr.
«Qazaqstanda óz elimizde júrgendeı sezindik. Bizdi óte jaqsy qarsy aldy. Qazaq eli ásem tabıǵatymen jáne halqynyń qonaqjaılyǵymen este qaldy. Sondyqtan Qazaqstandy qaıta baryp kórgimiz keledi», - deıdi Dımashtyń jankúıerleri klýbynyń ákimshisi Sandra Skamaronı.
«Men sizdiń elińizdi Dımash arqyly tanydym. Onyń Qazaqstandy kelip kórýge shaqyrýy óte durys. Sebebi, sizdiń eldiń tarıhy, mádenıeti baı. Batysta ózimizdiń tamyrymyzben baılanysty joǵaltyp aldyq desek bolady. Al Qazaqstanda ulttyq kıim kıip, at minip júrgen adamdardy kórdik. Muny saqtaý kerek», - dedi jankúıerler klýbynyń múshesi Sılvı Galdeano.
