Dımashtyń Djekı Chanǵa japqan shapanyn Shynjańdaǵy qandastarymyz túndeletip Beıjińge jetkizip bergen
Aty álemge máshhúr akterdiń jas ánshi Dımash Qudaıbergenovpen kezdesýi - keshegi bir kúnniń ǵana emes, bıylǵy bir jyldyń eń úzdik juldyzdy kezdesýi dep aıtýǵa ábden bolady. Sýper juldyz bul joly qazaqtyń kók shapanyn kıip, qasıetti dombyrasyn qolyna ustap qaıtty.
Qytaıdyń vıchat áleýmettik jelisine taraǵan aqparatqa sáıkes, ataqty akterge syılaǵan dombyra men qazaqy shapandy Shynjańdaǵy «Halyqaralyq Kerýen» seriktestiginiń ókili Esbol Muhamadanulynyń tapsyrysy boıynsha, Ýálıbek Turdaqynuly túndeletip Shynjańdaǵy ulttyq buıymdar dúkenderin aralap, eń sapaly qazaqy shapan men naǵyz sheberdiń qolynan shyqqan qazaqtyń qara dombyrasyn taýyp, kúndizgi saǵat 11-de Beıjińge jetkizip bergen.
«Men úshin tún ishinde dombyra men shapandy tabý ońaı bolǵan joq. Áleýmettik jeliler kómegimen jedel izdestirý arqyly «Aına» saz ortalyǵynan dombyrany, «Jasbulaq» kıim-keshek dúkeninen shapandy tańdap aldyrdym.
Sóıtip, shuǵyl túrde Úrimshi ýaqyty boıynsha tańǵy saǵat altylarda ushaqpen jolǵa shyǵyp, túske jaqyn Beıjiń qalasynda Dımash Qudaıbergenovke óz qolymmen tabys ettim», - deıdi «Mansursoft» seriktestiginiń quryltaıshysy Ýálıbek Turdaqynuly.
Beısen Sultanuly
