Dımashtyń brazılııalyq jankúıeri óz qolymen toqyǵan jempirdi joldap jibergen

AQTÓBE. QazAqparat - Ánshi Dımash Qudaıbergenniń jankúıerleri álemniń ár túkpirinen sálemdeme joldap jatyr. Brazılııalyq jankúıer nota beınelengen jempir toqyp, joldap jibergen, dep habarlaıdy QazAqparat tilshisi.

Dımash Qudaıbergenniń otbasy Jańa jyl merekesi qarsańynda álemniń ár túkpirinen kelgen sálemdemelerdi qabyldap jatyr. Jankúıerlerdiń biri óz qolymen jempir toqyp, qazaq tilinde lebizin bildirgen.

"Dımash, qarapaıym syılyq, men ony ózim jasadym. Bul toqyma. Muny men mahabbatymmen, súıispenshiligimmen jasadym", - dep jazýly tur sálemdemede.

Sonymen qatar, Aıaz ata músini men Dımash Qudaıbergen beınelengen tabaq fantoptan kelgen. Jankúıerler tabaq jıegine óz sýretterin salyp jibergen. Aıaz atanyń aman-esen mekenjaı boıynsha jetkenin ánshiniń ájesi Mıýa Nızamýtdınova áleýmettik jelidegi paraqshasy arqyly habarlady.

«Dımashtyń jankúıerlerine alǵysymyz sheksiz. Syılyqtaryńyzdy aldyq. 2019 jyl - baqyt jyly bolsyn!» dep jazdy ánshiniń ájesi.

Posmotret etý pýblıkatsııý v Instagram

Pýblıkatsııa ot sveta (@sveta_aitbaeva73) 27 Dek 2018 v 5:33 PST