Dımashtyń beınebaıany Argentınada kórsetildi

NUR-SULTAN. QazAqparat – dimashnews.com saıty «La Era Dimash» radıosynyń bastamasymen Argentınanyń tanymal folk klýbynda Dımashtyń «S.O.S» ánin oryndap turǵan vıdeosy kórsetilgenin jazdy, dep habarlaıdy QazAqparat.

Argentınadaǵy folk klýbtar án men bıge qumar halyqtyń súıikti oryndarynyń biri deýge bolady. Onda kóbinese qalyń kópshiliktiń júreginn oryn alǵan tanymal halyq ánderi oryndalady. Osynaý mýzykalyq aýrany kózben kórip, jan-dúnıesimen seziný úshin týrıster de folk klýbtarǵa jıi barady.

3 qazanda Salta provıntsııasynyń folk-klýbyndaǵy úlken ekranda Dımashtyń aty ańyzǵa aınalǵan «S.O.S» ánin oryndaǵan sáti kórsetildi.

«Oǵan qudaıdyń ózi batasyn bergen. Ony kóbińiz bilesizder. Bilmeseńizder, ol jer sharynyń kelesi bir buryshynan shyqqan. Onyń aty – Dımash, onyń daýysy ktańǵajaıyp», - dep tanystyrdy sharanyń júrgizýshisi qazaqstandyq ártisti.

dimashnews.com-nyń jazýynsha, «S.O.S» beıne kórsetilimi «La Era Dimash» radıo stantssasy uıymdastyrǵan arnaıy týr aıasynda uıymdastyrylǵan.

«Týrdyń maqsaty – qazaqstandyq ártisti Argentınanyń túkpir-túkpirine tanystyrý, onyń shyǵarmashylyǵyn odan da kóp adamdar ashý», - dep jazady dimashnews.com.