Dımashtyń áni alǵash ret Ýrýgvaı radıosynda shyrqaldy
ASTANA. QazAqparat - Dımash Qudaıbergenniń daýysy alǵash ret Ýrýgvaı radıosynda shyrqaldy, dep habarlaıdy QazAqparat ánshiniń resmı saıtyna silteme jasap.
25 sáýirde Ýrýgvaıdyń Maxima FM 97.7 radıostantsııasynda Dımashtyń «Together» sıngly shyrqaldy.
Bul - qazaqstandyq ártistiń Ýrýgvaı radıosyndaǵy alǵashqy taratylymy.
Maxima FM 97.7 - Ýrýgvaıdyń Nýevo Paısandý qalasynda ornalasqan tanymal radıostantsııa.
Radıo eldiń sońǵy jańalyqtary men qyzyqty oqıǵalaryn, sondaı-aq ártúrli janrdaǵy mýzykany taratady.
Dımashtyń inisi Ábilmansur Qudaıbergen jazǵan «Together» sońǵy shyqqan kompozıtsııasy ýrýgvaılyq Dears-tiń belsendi suraýlarynyń arqasynda «Los recomendables» baǵdarlamasynda oryndaldy.
Radıo júrgizýshisi Emına Dımashtyń Ýrýgvaı fan-klýbyna qyzyǵýshylyq tanytqany úshin alǵys aıtyp, ony osyndaı tańǵajaıyp ártistermen múmkindiginshe jıi tanystyrýdy ótindi.
