Dımashtyń áni AQSh-tyń Channel R radıosynda shyrqaldy

ASTANA. QazAqparat - Dımash Qudaıbergenniń «Zhalyn» kompozıtsııasy alǵash ret amerıkalyq Channel R Radio-synda shyrqaldy. Degenmen, bul qazaqstandyq ánshiniń atalǵan radıostantsııa efırine shyqqan besinshi áni, dep habarlaıdy QazAqparat dimashnews.com saıtyna silteme jasap.

Dımashtyń qazaq tilindegi áni Amerıka radıosynda aıtylýy onyń jankúıerleriniń arqasynda múmkin bolǵan. Olar kún saıyn onyń ániniń qoıylýyn suraǵan. Buǵan deıin Channel R radıosynda D.Qudaıbergenniń Fly Away», «Be with me», «Golden» jáne «Screaming» kompozıtsııalary shyrqalǵan edi.

Sıetldegi R Channel radıostantsııasy 2020 jyldyń aqpanynda quryldy. Efırde táýlik boıy zamanaýı hıtter men tyńdaýshylardyń eń súıikti ánderi oınaıdy. Munda pop-mýzykadan R&B, rok, rep jáne elektrondy mýzykaǵa deıingi barlyq janrdy tyńdaýǵa bolady.

Channel R jumysynyń negizgi qaǵıdasy – dybys jazý kompanııasy qalaǵan áýenderdi emes, tyńdaýshylarǵa unaıtyn kompozıtsııalardy taratý. Sondyqtan, radıo apta saıyn tyńdaýshylar arasynda daýys berý ótkizedi.