Dımashtyń ánderi Grekııa radıosynda shyrqala bastady
2019 jyldyń qyrkúıek aıynan beri Dımashtyń Grekııadaǵy fan-klýbynyń qatysýshylary onyń ánderin jergilikti radıostantsııalarǵa joldaı bastaǵan.
Soltústik Grekııadaǵy tanymal radıolardyń biriniń prodıýseri Anastasııa Konýopı D.Qudaıbergenniń shyǵarmashylyǵymen tanysqannan keıin erekshe áser alyp, onyń oryndaýyndaǵy kompozıtsııalardy kún saıyn efırge shyǵaratyn bolǵan.
«Qazaqstandyq ánshiniń ánderi radıo tolqynynda estile bastaǵannan-aq Anastasııaǵa sezimge toly jáne tańdanystaryn jasyrmaǵan kóptegen hattar kele bastady. Al «DQGreece» fan-klýbynyń qatysýshylar sany kún sanap artýda. Grekııalyq Dears-tiń endigi armany – Odeon Geroda Attıka sahnasynda Afıny qalasynyń ashyq aspany astynda Dımashtyń kontsertin ótkizý», - delingen aqparatta.
Buǵan deıin Dımashtyń ánderi Ispanııa radıosynan, Latvııa radıosynan berile bastaǵanyn jazǵan bolatynbyz.
