Dımashtyń ánderi Chılı radıosynda bir aı boıy shyrqalady

ASTANA. QazAqparat –Chılıdiń tanymal MIX TV radıosynyń efırinde Dımash Qudaıbergenniń kompozıtsııalary maýsym aıy boıy shyrqalatyn bolady. QazAqparat bul týraly dimashnews.com saıtyna silteme jasap habarlaıdy.

Chılı radıostantsııasynda qazaqstandyq ánshige arnalǵan alǵashqy efır ótken jumada – 2 maýsymda ótti. Bul Dimash Latin Dears fan-klýbynyń eńbeginiń arqasynda múmkin boldy.

Endi D.Qudaıbergenniń kompozıtsııalary maýsym aıy boıy kún saıyn tańǵy 7-den 10-ǵa deıin efırge shyǵady.

«Biz Dımashtyń ánderi Chılı radıosynda uzaq ýaqyt boıy shyrqalatynyna óte qýanyshtymyz! Sonymen qatar Dımashqa arnalǵan baǵdarlamada tek ánder ǵana emes, Dears-tiń quttyqtaýlary men ártistiń shyǵarmashylyq ómirbaıany baıandalady!»,- dep bólisti Dimash Latin Dears.