Dımashty beınelegen shymkenttik sýretshi portretti ıesine tartý etkisi keledi

ShYMKENT. QazAqparat - Shymkenttik áýesqoı sýretshi Dáýletııar Baltabaev jýyrda Dımash Qudaıbergenniń portretin saldy.

Buǵan deıin portret salyp kórmegen qylqalam ıesi endi keıipkeriniń shym shaharǵa kelýin kútip júr. Jańadan shyqqan týyndysyn tartý etkisi keledi, dep habarlaıdy QazAqparat HAA tilshisi.

Óńirdegi Opera jáne balet teatrynda jumys isteıtin sýretshiniń sózinshe, buǵan deıin portret salyp kórmegen. Álem halqyn talantymen tánti etken Dımash Qudaıbergenniń  ánge degen súıispenshiligi onyń  osy janrda qalam terbeýine septigin tıgizgen. Al, týyndyny salýǵa nebári bir-aq kún jumsapty. Qazir jańadan salynǵan týyndy sýretshiniń jumys ornynda tur.