Dımashtyń jankúıerleri álemdi qaıyrymdylyq aktsııasymen tańǵaldyrdy
ASTANA. KAZINFORM — Qytaıdaǵy Dımash Qudaıbergen-niń jankúıerleri (Dears toby) onyń aldaǵy týǵan kúnine oraı jáne gýmanıtarlyq qyzmetin qoldaý maqsatynda Halyqaralyq kóshi-qon uıymy qoryna 2000 dollardan astam qaıyrymdylyq jasaǵan. Bul týraly Dimash.news saıty jazdy.
Sonymen qatar, Qytaıdaǵy jankúıerler artıctiń 32 jasqa tolýyna oraı Shanhaıdaǵy qańǵybas mysyqtar men ıtterge arnalǵan RHR Shanghai Adoption Home panajaıyna 26 760 ıýan (shamamen 3950 dollar) aýdarǵan.
RHR Shanghai Adoption Home — Shanhaıda ornalasqan, qańǵybas jáne zorlyq-zombylyq kórgen janýarlardy qutqarýmen aınalysatyn kommertsııalyq emes uıym. DimashNews deregine sáıkes, bul uıym 2012 jyly qurylǵan. Ol RHR (Rescue, Heal, Rehome — «Qutqarý, emdeý jáne jańa úı tabý») qaǵıdatyn ustanady. Qurylǵan ýaqyttan beri uıym 4000-nan astam janýardy qutqaryp, olardyń shamamen 2000-in jańa otbasyna ornalastyrǵan, al 250-den astamy áli de qamqorlyqta ári jańa úıine ketýdi kútip júr.
Bıyl 24 mamyrda Dımash Qudaıbergenov 32 jasqa tolady.
Eske sala keteıik, jaqynda Belgııada Dımash Qudaıbergenniń shyǵarmashylyǵyna arnalǵan arnaıy radıobaǵdarlama efırge shyqty.
Ispanııada Dımash pen jankúıerleri týraly derekti fılmniń premerasy ótedi.
