Dımashtyń kontsertteri qarsańynda Mehıkoda arnaıy avtobýs qatynaı bastady
ASTANA. KAZINFORM — Dımash Qudaıbergenniń Meksıkada ótetin kontsertteri qarsańynda ánshiniń jankúıerleri Meksıka astanasynyń kóshelerinde erekshe jobany júzege asyrdy, dep habarlaıdy dimashnews.
23 qazannan bastap Mehıkoda qazaqstandyq ánshiniń aldaǵy kontsertterine arnalǵan tematıkalyq avtobýs qatynaı bastady.
Avtobýs 2026 jylǵy 21 qarashaǵa deıin qala kóshelerimen qatynaıdy. Onyń baǵyty Meksıka astanasynyń kórnekti oryndary men qozǵalysy qarqyndy aýdandaryn qamtıdy. Atap aıtqanda, avtobýs áıgili Paseo-de-la-Reforma dańǵyly (Paseo de la Reforma), Perıferıko aınalma jolynyń soltústik bóligi (Periférico), Ulttyq aýdıtorıýmnyń mańy (Auditorio Nacional), sondaı-aq Glorıeta-de-Petroleos (Glorieta de Petróleos) jáne Chapýltepek (Chapultepec) aýdandary arqyly ótedi.
Osylaısha, joba aıasynda Mehıkonyń kólik qozǵalysy eń qarqyndy kóshelerimen qatynaıtyn boldy. Osylaısha, tematıkalyq avtobýs bir aıǵa jýyq ýaqyt boıy qalanyń kúndelikti qoǵamdyq keńistiginiń bir bóligine aınalady.
Buǵan deıin Dımashtyń Madrıdtegi kontserti qarsańynda jankúıerleri 3 000 eýrony qaıyrymdylyqqa aýdarǵanyn jazǵanbyz.
