Dımashtyń Eýropalyq týry: Dears ánshini Londonda qarsy aldy
ASTANA. KAZINFORM — 2 maýsymda Londonǵa Lara Fabıannyń jeke kontsertine óner kórsetý úshin kelgen qazaqstandyq ánshini Ulybrıtanııa astanasynyń áýejaıynda Dears kútip aldy, dep jazady Dimashnews.
Ulybrıtanııalyq jáne ózge elden kelgen jankúıerler qazaqy dástúr boıynsha shashý shashyp, ónerpazdyń kelgenine qýanyshtaryn bildirip, amandyq-saýlyq tiledi.
Sondaı-aq, «D and Dears-qa» degen ystyq yqylastyń sımvoly retinde «Mahabbat ber maǵan» ánin birge shyrqady.
Dımash Lara Fabıannyń kontsertine arnaıy qonaq retinde 3 maýsymda OVO Arena Wembley arenasynda qatysady.
Kelesi kúni, 4 maýsymda Dımash Hilton London Wembley/Grand Ballroom zalynda jankúıerlerimen fan-kezdesý ótkizedi. Bastalýy jergilikti ýaqyt boıynsha 18.30.
Buǵan deıin bıyl Nıý-Iorktiń áıgili sahnasy Madison Square Garden-de Dımashtyń kontserti ótetini habarlandy.