Dımashtyń áni alǵash ret Disney radıosynda qoıyldy
ASTANA. KAZINFORM – Dımash Qudaıbergenniń «Love’s Not Over Yet» áni alǵash ret álemdegi eń iri mýzykalyq radıo brendterdiń biri – Radio Disney-diń barlyq meksıkalyq stantsııalarynyń rotatsııasyna endi. Bul týraly dimashnews.com jazdy.
Іs-sharanyń bastamashysy – Dımashtyń 2023 jyly Býdapeshttegi bolǵan kontsertinen shabyttanǵan jankúıeri. Ol sol tusta ártistiń daýysyn Disney radıosynan estýdi armandaǵan eken. Kóp uzamaı ánshiniń ánderi 30-dan astam eldegi Dears fan-qoǵamdastyǵy qoldaǵan halyqaralyq naýqanǵa aınaldy.
Áleýmettik medıa, atap aıtqanda X platformasy (burynǵy Twitter) arqyly jankúıerler #DimashRadioDisney heshtegin 2024 jyldyń qyrkúıek aıynyń sońynda trendke aınaldyrǵan edi. Bul Meksıkadaǵy radıostantsııanyń júrgizýshileri men prodıýserleriniń nazaryn aýdardy.
Pachýkadaǵy Dısneı radıosynyń júrgizýshisi Brıssııa men prodıýser Edýardo bul ıdeıany qoldap, Dımashtyń ánderin baǵdarlamalaý bólimindegi radıostantsııanyń ánder tizimine engizý týraly usynys jasady.
Olardyń qatysýy men jankúıerlerdiń belsendiliginiń arqasynda «Love’s Not Over Yet» áni qazir búkil Meksıkanyń Radio Disney efırinde oınalady.
Dımash Qudaıbergen Nıý-Iorktegi áıgili Madison Square Garden sahnasynda jeke kontsert ótkizetinin jazǵan bolatynbyz.
Dımash Qudaıbergen Qyrǵyzstannyń halyq ártisi ataǵyn aldy.