Dımashpen kezdesý úshin Londonda jankúıerler uzyn-sonar kezekke turdy

ASTANA. KAZINFORM — Londonda jankúıerler Qazaqstannyń Halyq ártisi Dımash Qudaıbergenmen kezdesýge qatysý úshin kezekke turdy, dep habarlaıdy Kazinform agenttiginiń menshikti tilshisi. 

Qazaqstandyq ánshi Lara Fabıannyń kontsertinde arnaıy qonaq retinde óner kórsetti, al búgin óz jankúıerlerimen kezdesedi. Kezdesý Londondaǵy Hilton London Wembley qonaqúıiniń Grand Ballroom zalynda ótedi.

— Men ómir boıy Dımashtyń jankúıeri bolyp júrgen sekildimin. Men ony shyn júregimmen jaqsy kóremin. Ol bizdi júregimen de, janymen de baýrap alady! Bul — álemdegi eń úzdik daýys ári álemdi ózgertip jatqan adam. Biz oǵan sheksiz rızamyz, — dedi Kalıfornııadan kelgen Dımashtyń jankúıeri Glorııa Makıýn.

Eske sala keteıik, 3 maýsym kúni Dımash Londonda Lara Fabıannyń kontsertinde arnaıy qonaq retinde óner kórsetti. Shoý Ulybrıtanııadaǵy eń iri arenalardyń biri — OVO Arena Wembley sahnasynda ótti.