Dımashqa qandaı qyzdar unaıdy
BEIJІŃ. QazAqparat - Qytaılyq BAQ Dımash Qudaıbergenmen júrgizgen suhbatty jarııalady, onda ol ómirlik jaryn tańdaýda qyzdyń qandaı qasıetine mán beretinin aıtty, dep habarlady Qytaıdaǵy «QazAqparat» HAA menshikti tilshisi.
«Onyń minezi jaqsy bolý kerek. Sizder menen artyǵyraq jigit tabasyzdar dep oılaımyn», - dep jaýap berdi ol qandaı qyzdar unaıdy degen jýrnalısterdiń biriniń suraǵyna.
Keıinnen Dımash minezi «jaqsy» degen sóz «adal, kishipeıil, tárbıeli» degen maǵynany bildiretinin naqtylady.
Ánshi tórtinshi kezeńge daıyndalǵan kezde qytaı tilinde án jattap, talaı uıqysyz túnder men kúnderdi basynan ótkizgenin habarlady.
«Qytaı tili álemdegi eń kúrdeli til», - dep atap ótti Dımash Qudaıbergenov.
Eske salsaq, budan buryn qytaılyq «Hýantsıý shıbao» basylymy Dımash Qudaıbergenniń qyzy bar ekeni jaıly materıal jarııalaǵan.
Qazaqstandyq ánshi eki apta qatarynan Aspan asty elindegi tanymal juldyzdar reıtınginde kósh bastap tur. Ol Internette onyń esimin eske alý, ol týraly málimet izdeý, vıdeosyn kórý, televızııalyq reıtıngti esepke alyp jasalady.
