Dımash jankúıerlerine konkýrs jarııalady

ASTANA.QazAqparat - Qazaqstandyq ánshi Dımash Qudaıbergen Astana qalasynda «Sálem» ánimen beınerolık jarııalap, álemdegi jankúıerlerine sálem joldady, dep habarlaıdy QazAqparat.

«BASTAU shoý kontsertine 10 kún qaldy! Eger siz de kontserttiń bir múshesi bolǵyńyz kelse, óz qalańyzdyń ortasynda Dımashtyń jańa ánin aıtyp, osyndaı vıdeo túsirip bizge joldańyz. [e-mail] nemese #FanDQ xeshtegi arqyly áleýmettik jelige jarııalaýǵa bolady. Kontsertke kele almasańyz da, Astana Arena ekrandarynan óz-ózińizdi Dımashtyń jeke kontsertinde kórýge úlken múmkindik bar! Bul vıdeony men arnaıy Astanada (mysal retinde) sizder úshin túsirdim! Al kettik!», - dep jazdy Dımash óziniń Instagram paraqshasynda.

Weibo áleýmettik jelisinde qytaılyq jankúıerler «Sálem» ánin qyzý talqylap jatyr. Jankúıerler ánniń sózin qytaı tilinde jazyp alyp, jattap alýǵa kirisip ketken. Sondaı - aq, qytaıdyń ár qalasyndaǵy jankúıerler ánge beınerolık túsirýge belsendi atsalysýda.

Jankúıerlerdiń aıtýynsha, ánniń qazaqsha sózderin dybystaý olar úshin qıyndyq týdyrýda. Alaıda, ánniń rıtmi kóńildi ári jeńil bolýy olardyń ándi Dımashpen birge shyrqaýyna jaqsy múmkindik bolǵan.

Aıta keteıik, «Sálem» ániniń sózi Qanat Aıtbaev, mýzkasy Dımash Qudaıbergendiki.