Dımash «Voice Beyond Horizon» shoýynyń qatysýshylaryn tanystyrdy
ASTANA. KAZINFORM — «Voice Beyond Horizon» shoýynyń bastamashysy ári atqarýshy prodıýseri Dımash Qudaıbergen jobanyń efırge shyǵýy qarsańynda onyń qatysýshylaryn tanystyrdy. Bul týraly Dimashnews.com saıty habarlady.
— Toǵyz jyl buryn Qytaıdaǵy «Singer» jobasynyń sahnasyna shyqqan sátten bastap, mýzykada shekara joq ekenin tereń sezindim. Sol kezeńniń ózinde-aq Jibek jolynyń daýysy múmkindiginshe álemge estilse degen armanym boldy. Osy maqsatta men sizderdi múlde jańa mýzykalyq dıalogtyń dúnıege kelý sátine kýá bolýǵa shaqyramyn.
Qazaqstannyń kórkem de kórikti tabıǵı landshafttarynda alǵash ret Qytaıdan Chjan Sınıýı, La Danchjý, Tsaı Chenıýı, Qyrǵyzstannan Nur Chýlpon, Malaızııadan Djerıl Lı, Italııadan Djýlııa Falkone, Serbııadan Prınts jáne Qazaqstannan Nurjas Sadırbaevtyń daýystary bir arnada toǵysady.
5 aqpannan bastap ár apta saıyn beısenbi kúnderi saǵat 22:00–de Hunan TV jáne Mango TV platformalarynda Jibek joly jastar horynyń mýzykalyq úndestigine birge boılaýǵa shaqyramyn, — dedi Dımash.
Aıta ketelik Dımashtyń Qazaqstanda túsirilgen halyqaralyq jobasy Qytaıda kórsetiletini týraly jazǵan edik.