Dımash «Voice Beyond Horizon» birlesken jobasyn tanystyrdy
ASTANA. KAZINFORM – Jańa «Voice Beyond Horizon» jobasy úshin Dımash Qudaıbergen álemniń ár túkpirinen úzdik ánshilerdi shaqyrdy. Bul týraly DimashNews saıty jazdy.
Olardyń ishinen 8 oryndaýshy tańdap alyndy.
Prince – Serbııa eliniń ánshisi, Evrovıdenıe baıqaýynda óz elin tanytqan óner ıesi.
Tsaı Chenıýı – Qytaıdyń altyn daýysty tenory, jeke oryndaýshylyq jolyn endi bastaǵan talant.
Djýlııa – keremet únimen shıpa bolatyn, erekshe atmosfera týdyratyn ıtalıandyq ánshi.
Chjan Sınıýı – Qytaıdyń tanymal jas juldyzy, onyń ánderi mıllıardtaǵan kórilim jınaǵan.
Nurjas – Qazaqstannyń maqtanyshy, magnıtteı tartatyn erekshe daýys ıesi.
La Danchjý – Qytaıdyń halyq ánshisi, taýlardyń qýatyn boıyna sińirgen kúshti daýys ıesi.
Nýr Cholpon – Qyrǵyzstannyń ulttyq qazynasy, jas juldyz ári ánniń avtory.
Djessı Lı – Malaızııanyń jańa býyn chempıony, kóptegen mýzykalyq marapattardyń ıegeri.
22 kún ishinde ánshiler 7 436 shaqyrymdy eńserip, Qazaqstannyń tórt qalasyn (Túrkistan, Aqtaý, Almaty, Astana) aralady.
Aıta keteıik, «Voice Beyond Horizon» jobasy kópshilikke 2026 jyly jol tartady.
Eske salsaq, buǵan deıin Dımash Qudaıbergen Vetnamdaǵy mýzykalyq festıvalde án shyrqaıtynyn habarlaǵanbyz.