Dımash týǵan jerin, qalasyn saǵynady — anasy

AQTÓBE. KAZINFORM — Dástúrli «Baqytty bala» balalar festıval-konkýrsy bastaldy. Baspasóz máslıhatynda ánshi Dımash Qudaıbergenniń anasy ulynyń týǵan jerin, qalasyn saǵynatynyn aıtyp, bir kezderi úlken kontsert beretinine úmitpen qaraıtynyn aıtty. 

«Baqytty Bala — 2025» halyqaralyq balalar vokaldyq festıval-baıqaýy bıyl altynshy ret uıymdastyryldy. Baıqaýdyń alǵashqy aınalymynda ónerli balalar aýdıo, vıdeo materıaldar jiberip, irikteýge qatysty. Al ekinshi týr Aqtóbe qalasynda ótip jatyr. Konkýrs talaby boıynsha qatysýshylar óz ana tilinde nemese avtorlyq án, sondaı-aq álemdik hıt án oryndaıdy. Búginde Aqtóbege Belarýs, Moldova, Tatarstan, Qyrǵyzstan, Reseı, Ózbekstan elderinen jáne Qazaqstannyń óńirlerinen 20 talantty jas ónerpaz keldi. Alǵashqy kúni baspasózge arnalǵan brıfıng ótip, qatysýshylar men jýrnalıster suraq qoıdy. Kópshilik ánshi Dımash Qudaıbergenniń Aqtóbege sapary jaıly bilgisi keldi.

— Aqtóbede úlken stadıon salynaıyn dep jatyr. Bul óte jaqsy. Dımash týǵan jerin, qalasyn saǵynady, kelgisi keledi. Bir kezderi ol osynda jaqsy kontsert beredi dep úmittenemin, — dedi anasy Svetlana Aıtbaeva.

Aıta keteıik, «Baqytty Bala — 2025» jobasy oblys ákimdigi men «Dımash-Álı» shyǵarmashylyq ortalyǵynyń birlesker jobasy. Buǵan deıin baıqaýǵa ánshi Dımash Qudaıbergen de kelip, kontsertte óner kórsetken bolatyn. Sonymen birge jas ónerpazdardy tyńdap, qoldaý kórsetti. 

Eske salsaq, Dımash Qudaıbergen byltyr sý tasqynynan zardap shekken jerlesterin qoldap keldi.