Dımash tosyn syı jasaǵan qytaılyq jankúıerlerine alǵys aıtty

ASTANA. QazAqparat - Dımash Qudaıbergen Almatynyń LED-ekrany arqyly Naýryz meıramymen quttyqtaǵan qytaı fanattaryna alǵys aıtty, dep habarlaıdy QazAqparat.

«Barsha jankúıerlerimdi Naýryz merekesimen taǵy da quttyqtaımyn. Nuryn shashyp keletin Jańa kún jańalyqqa toly bolsyn! Tilegi men yqylasyn jetkizgen barshaǵa yqylasym sheksiz. Maǵan tosyn syı jasap Almaty kóshelerindegi barlyq LED ekrandarǵa tilegin bildirgen 25 Dears-qa erekshe alǵys bildiremin. Barshańyzǵa dastarhanymyz tek jaqsylyqqa jaıylsyn degim keledi»,-dep jazǵan Dımash óz paraqshasyna.

Jalpy, Dımashtyń ónerine tánti fanattar ony tań qaldyrýdan jalyǵar emes. Tipti, Qytaıdaǵy jankúıerler Qazaqstanǵa kelip, qazaq jerin zerttegen. Sondaı-aq, Dımashtyń qarny ashpasyn dep qazaqtyń ulttyq taǵamdaryn da əzirlegen.