Dımash pen Golovkın qazaq boksshylaryn álem chempıonatyndaǵy jetistigimen quttyqtady

ASTANA. QazAqparat – Ánshi Dımash Qudaıbergenov pen kásipqoı boksshy Gennadıı Golovkın qazaq boksshylaryn Tashkentte ótken álem chempıonatyndaǵy jeńiimen quttyqtady, dep habarlaıdy QazAqparat tilshisi.

«Sportshylarymyzdy 4 altyn jáne 1 kúmis medalmen shyn júrekten quttyqtaǵym keledi», - dep jazdy Dımash Qudaıbergenov Instagram-da.

Al Gennadıı Golovkın izbasarlarynyń keler jyly Frantsııa astanasynda ótetin Olımpıada oıyndaryna sátti daıyndalýyna tilektestik bildirdi.

«Bapkerler shtabynyń eńbegin erekshe ataǵym keledi. Keremet jumys! Olımpıada oıyndarynyń daıyndyǵynda sáttilik tileımin», - dep jazdy GGG.

Eske salsaq, Tashkentte erler arasynda bokstan aıaqtalǵan álem chempıonatynda Qazaqstan quramasy medaldar kestesinde ekinshi oryn alǵan bolatyn.

Osyǵan oraı Memleket basshysy Qasym-Jomart Toqaev bokstan Tashkentte ótken álem chempıonatynyń jeńimpazdaryn quttyqtaǵan edi.