Dımash pen Antıkor tóraǵasy Ashat Jumaǵalı adaldyq taqyrybyn talqylady

ASTANA. KAZINFORM - Sybaılas jemqorlyqqa qarsy qyzmet tóraǵasy Ashat Jumaǵalı Qazaqstannyń halyq ártisi, halyqaralyq ánshi, kompozıtor, mýltıınstrýmentalıst Dımash Qudaıbergenmen kezdesti.

Kezdesý barysynda Agenttik tóraǵasy jemqorlyqtyń aldyn alý boıynsha qabyldanyp jatqan sharalarmen, sondaı-aq eldegi sybaılas jemqorlyqqa qarsy mádenıetti qalyptastyrýǵa yqpal etetin Agenttik jumysynyń ashyqtyǵyn arttyrýǵa, negizgi baǵyttary men zańdylyq qaǵıdattaryn nyǵaıtýǵa baǵyttalǵan zamanaýı ádistermen tanystyrdy.

Ashat Jumaǵalı ónerdiń qoǵamda sybaılas jemqorlyqqa qarsy mádenıetti qalyptastyrýda, adaldyq pen ádildikke tárbıeleýde, adamdardyń dúnıetanymyna áser etýde jáne parasattylyq qaǵıdattaryn nyǵaıtýda mańyzdy ról atqaratynyn atap ótti.

Antıkor tóraǵasy qoǵamdaǵy jemqorlyqqa nóldik tózimdilikti qalyptastyrý maqsatynda aldyn alý jumystaryna nazar aýdarý mańyzdy ekenin atap ótti.

Óz kezeginde Dımash Qudaıbergen atqarylyp jatqan jumystarǵa, bolashaǵymyzdyń ıgiligi úshin sybaılas jemqorlyqqa qarsy is-qımyl isine qoldaý bildirdi.

Taraptar sybaılas jemqorlyq deńgeıin tómendetýge, mádenı jáne bilim berý bastamalary arqyly parasattylyq qaǵıdattaryn nasıhattaýǵa baǵyttalǵan qoǵamdaǵy zańdylyq pen tártip qaǵıdattaryn ilgeriletý sheńberindegi birlesken jobalardy talqylady.

Kezdesý sońynda Ashat Jumaǵalı Dımash Qudaıbergenge elimizdiń mádenıetin damytýǵa qosqan úlesi úshin erekshe alǵysyn bildirip, shyǵarmashylyq qyzmetine úlken tabys pen sáttilik tiledi.

Osyǵan deıin Dımash Qudaıbergenniń Býdapeshtte jańa ániniń premerasyn jarııalaǵanyn jazdyq.