Dımash ózi oqyǵan mektebine baryp, ustazdaryn qýantty
ASTANA. KAZINFORM — Qazaqstandyq tanymal ánshi Dımash Qudaıbergen týǵan jeri Aqtóbe qalasyna barǵan bolatyn. Ol týǵan jerinde klıp túsiretinin aıtyp, jankúırelerin qýantyp qoıǵan edi. Al búgin ózi bilim alǵan mektebine taban tirep, ustazdaryna amandasty.
— Mektep — balalyqtyń mekeni, al ustaz — sol shaqtyń eń jarqyn shamshyraǵy. Búgin № 32 mektep-gımnazııasyna baryp, meni tárbıelegen ustazdarymmen qaýyshtym. Ýaqyt ózgeredi, adam ósedi, biraq ustazǵa degen qurmet pen mektepke degen saǵynysh eshqashan ózgermeıdi, — dep jazdy ánshi áleýmettik jelidegi paraqshasyna.
Jaqynda tanymal ánshi Dımash Qudaıbergen Nıý-Iorktegi áıgili Madison Square Garden sahnasynda ótken Stranger kontsertine arnalǵan derekti fılmniń treıleri jaqyn kúnderi jarııalanatynyn málimdedi.
Birneshe kún buryn «Dımash Qudaıbergen jáne Qazaqstan: meniń ómirimdi qalaı ózgertti?» atty kitabynyń avtory Ester Ýlmanı Aqtóbege keldi. Ánshiniń shveıtsarııalyq jankúıerin ustazdary men mektep oqýshylary kútip aldy.
