Dımash Nıkola Teslaǵa arnalǵan festıvaldiń qurmetti qonaǵy boldy
BELGRAD. KAZINFORM — 10 shildede Serbııada naǵyz energetıkalyq jarylys boldy: Novı Sadta 20 ǵasyrda álemdi ózgertken tapqyr — Nıkola Teslanyń týǵan kúni atalyp ótti.
Ótken ǵasyrda Tesla munarasy elektr energııasyn transatlantıkalyq qashyqtyqqa symsyz jetkizse, al tamasha ónertapqyshtyń týǵan kúninde Ońtústik-Shyǵys Eýropadaǵy eń úlken festıval EXIT, kerisinshe, búkil shyǵarmashylyq energııany bir sahnaǵa jınady.
EXIT festıvali erekshe jerde ótedi. Petrovaradın bekinisi, «Dýnaıdaǵy Gıbraltar» — Eýropadaǵy eń jaqsy saqtalǵan bekinisterdiń biri.
Qazir munda júzge jýyq óner stýdııasy bar, sonymen qatar meıramhanalar, kafeler, murajaılar men galereıalar da bar.
EXIT festıvaliniń dástúrge aınalǵanyna 20 jyldan astam ýaqyt boldy. 2024 jyly ol brıtandyq yqpaldy DJ Mag jýrnalynyń nusqasy boıynsha qaıtadan álemdegi eń úzdik 10 festıvaldiń qataryna endi.
Festıvaldiń quramyna ártúrli janrlarda óner kórsetetin álemdik mýzyka sahnasynyń iri juldyzdary kiredi. Elektrondy bıtter, álemdik bı hıtteri, rep, trep, hıp-hop, pop, rok kedergisiz nemese konventsııasyz emotsııalarǵa tolyq erkindik beredi.
Festıvaldiń ashylýynda hedlaıner Dımash Qudaıbergen men álemniń úzdik 100 dıdjeıdiń biri Býrak Ieter boldy.
Árıne, Dımashtyń repertýaryndaǵy festıvaldiń eń úzdik týyndysy — «Weekend» — túrik jáne qazaqstandyq mýzykanttardyń birlesken áni myńdaǵan kórermenniń qoshemetine bólendi.
