Dımash mıkrofondy alǵan marapatynan bıik qoıdy
«Kim baıqady!? Ádeıi emes, bul sýret - kezdeısoq túsirilgen! Basylymdarǵa da jarııa bolǵan sýret!!! Osyndaı premııalardyń júzin kórdim, myqtylardyń myqtysy saxnaǵa shyǵyp qýanǵan sátte utqan júldesin (statýetka) syılyǵyn bıikke kóteretin edi... Bizdiń Dımashtyń oń qolyndaǵy mıkrofony odan da bıik tur!!! Qýanǵannan múmkin tym fılosof bolyp ketken shyǵarmyn, bálkim! Biraq, sol qolyndaǵy júrek tusyndaǵy marapaty, oń qolyndaǵy bıikke kóterilgen mıkrofony bolmasa kelmes te edi... Allanyń qudireti der em bul sýretti! Bul belgi... Qanshama qýanǵanymen neniń qadiri bıik ekenin umytpaýymyz kerek degendeı syr keshedi bul sýret!..»,-dep jazǵan Dımashtyń resmı ókili Alpamys Shárimov.
Esterińizge sala keteıik, keshegi saltanatty marapat kezinde Dımash Qudaıbergen kórermenderge qazaq tilinde alǵys aıtty. «Assalaýmaǵaleıkúm, qurmetti áleýmet! Óte qatty qýanyshtymyn. Bul meniń shet eldegi eń alǵashqy úlken syılyǵym. Eń aldymen, ózimniń ata-anama jáne de jan dosyma kóp rahmet aıtamyn, meni qoldap-demeý bolyp júrgenderine. Jáne de meniń baǵymdy ashqan, álemge tanytyp jatqan «Singer» jobasyna alǵys aıtamyn! Meni qoldap júretin barsha tyńdarmandaryma rahmet aıtqym keledi! Bar bolyńyzdar, aman bolyńyzdar! Bul tek bastamasy ǵana», -dedi Dımash.
