Dımash Londondaǵy kontsertte ánderiniń 60 paıyzyn qazaq tilinde shyrqaıdy

ASTANA. QazAqparat - QR Mádenıet jáne sport mınıstri Arystanbek Muhamedıuly Qanat Aıtbaevpen jáne Dımash Qudaıbergenmen kezdesip, 19 qarashada ótetin kontserttiń jaıyn talqylady, dep habarlaıdy QazAqparat tilshisi.

«Astanalyq «Terra balet» toby, sonymen qatar ult-aspaptar ansamblinde keremet óner kórsetip júrgen ul-qyzdar baryp, bizdiń qazaqtyń ánderine ulttyq reńk pen óń bere otyryp, súıemel jasaıdy. Osy kontserttiń uıymdastyrylýyna qyz-jigitter atsalysyp, kómektesip jatyr. Amandyq bolsa, nátıjesin kóresizder. Oryndalatyn ánderdiń 60 paıyzy qazaq tilinde bolady», - dedi Qanat Aıtbaev.

 

Óz kezeginde Dımash Qudaıbergen Londonda jandy daýysta, orkestrmen otyzǵa jýyq án aıtatynyn habarlady.

Aıta ketsek, osy aıdyń 19-da Londonda Dımashtyń jeke kontserti ótedi. Qazirgi tańda London ortalyǵyndaǵy ekrandarda qazaqstandyq ánshiniń kontserti jarnamalanyp jatyr.