Dımash Lara Fabıannyń Londondaǵy kontsertinde arnaıy qonaq retinde óner kórsetti
ASTANA. KAZINFORM — «Adagio» atty búkil álemge tanymal áıgili ánderdiń birin Lara qazaqstandyq ánshi Dımash Qudaıbergenmen birge oryndady, dep jazady Dimashnews.
3 maýsymda Londonnyń áıgili OVO Arena Wembley alańynda álemdik mýzykanyń ańyzyna aınalǵan Lara Fabıannyń «Voices» álemdik týrnesiniń aıasynda jeke kontserti ótti.
Ánshiniń kórermenderdiń súıiktisine aınalǵan shyǵarmalary keshti ásemdikke, sulýlyqqa jáne jarqyn emotsııalarǵa bóledi.
«Adagio» atty búkil álemge tanymal áıgili ánderdiń birin Lara qazaqstandyq ánshi Dımash Qudaıbergenmen birge oryndady.
— Ómirimde estigen eń áserli, alyp, kúshti daýystardyń biri. Onyń búgin bizben birge eń qıyn ánderdiń birin oryndaýy bizge jasaǵan naǵyz syı-sııapat boldy, — dep Lara Dımashty tanystyrdy.
Dımash Larany keremet kontsertimen quttyqtap, úlken qyzyl raýshan gúl shoǵyn syıǵa tartty.
— Osynda, sizderdiń aldaryńyzda tarıhtyń eń uly ánshisi Lara Fabıanmen birge óner kórsetý men úshin úlken mártebe, — dep Dımash qoıylymnan keıin kesh ıesine alǵysyn bildirdi.
Dımash pen Lara Fabıannyń seriktestigi — qytaılyq «Singer» jobasynda Dımashtyń «Adagio» ánin oryndaǵan sátinen bastalǵan. Ol osy týrda 1-shi orynmen qatar kóptegen kórermenniń alǵysyna ıe bolǵan edi. 2017 jyly Dımashtyń sol ónerinen keıin Lara Fabıan «Adagio» qurlyqtardyń tórt buryshyn aralap júr… «Singer» televızııalyq baıqaýynda óner kórsetken Dımash Qudaıbergendi shyn júrekten quttyqtaımyz» degen edi.
Ártisterdiń ortaq shyǵarmashylyq jolynyń jalǵasy retinde kompozıtor Igor ıAkovlevıch Krýtoıdyń «Lıýbov ýstavshıh lebedeı», «Znaı», «Madmýazel Haıd» ánderi boldy.
Dımashtyń Londondaǵy «Stranger» jeke kontserti 2025 jyldyń 12 qarashasynda OVO ARENA WEMBLEY-de ótedi.
Aıta ketelik Dımashpen kezdesý úshin Londonda jankúıerler uzyn-sonar kezekke turǵany jaıly jazǵan edik.