Dımash Qytaıdyń merekelik kontsertinde «Oı jaılaý» ánin shyrqady
«Búgin Qytaıdyń ataqty shyraqtar festıvali keshinde Kenen Ázirbaev atamyzdyń «Oı jaılaý» ánin shyrqaımyn! Tikeleı efırde 19:30 (Beıjiń ýaqytymen) Hunan Tv arnasynda! Qytaıda aıtylatyn alǵashqy qazaqsha ánimdi jaqsy qabyl alasyzdar dep oılaımyn!» -, dep jazǵan bolatyn ánshi Instagramdaǵy paraqshasynda.
Eske sala ketsek, ıÝan Shııaý - Qytaıdyń dástúrli «Shyrqatar» merekesi. Ár jyly «Kóktem merekesi» atalatyn qytaıdyń jańa jylynyń 15-kúni toılanady. Kóshelerge jáne úılerdiń aýlasyna arnaıy jasalǵan shyraqtar ilinip, otbasy músheleri Tań ıÝan dep atalatyn ulttyq taǵamdaryn dám tatady.
Hýnan telearnasy ár jyl saıyn tanymal juldyzdardy shaqyryp, merekelik kontsertti tikeleı efırden kórsetedi.
Aıta keteıik, qazaqstandyq ánshi buǵan deıinde Hýnan telearnasynyń álem qytaılaryna arnalǵan «Kóktem merekesi» kontsertinde óner kórsetken bolatyn.
