Dımash Qytaıdaǵy tanymal jýrnalǵa suhbat berdi
ASTANA. QazAqparat - Qytaıda belgili «Easy» jýrnaly qazaqstandyq ánshi Dımash Qudaıbergenovke birneshe betin arnady.
«Jýrnaldyń kezekti nómirinde basylym ánshiniń sýretterin jarııalady», - dep habarlady Instagram jelisindegi jas oryndaýshynyń @dimash_alpanda atty jankúıerler paraqshasy.
Sondaı-aq, jankúıerler paraqshasynda Dımashtyń «Easy» jýrnalyna bergen suhbatynan úzindi keltirilgen:
- Úıden shyqqanda ádette ózińmen birge neni alyp júresiń?
- Kilt.
- Sońǵy ýaqyttarda alańdatyp júrgen jaıttar bar ma?
- Meni eshteńe alańdata almaıdy.
- Tańerteń oıaný úshin oıatqysh qoldanasyń ba?
- Uıqydan oıatýǵa bireý kómektesse ǵoı.
- Alǵan syılyqtaryńnyń ishinde qatty unaǵany bar ma?
- Ár syılyq erekshe.
- Súıikti naqylyń?
- Barlyǵy.
- Sońǵy ret qaı trekti tyńdadyń?
- Michael Jackson - Beat It.
- Uıyqtar aldynda ne isteısiń?
- Amandyǵym úshin duǵa oqımyn.
- Dene bitimińnen ózińe eń unaıtyn bóligi qaısy?
- Mundaı suraqqa jaýap berý yńǵaısyz eken! Aıtpaımyn.
- Balalyq armanyń?
- Ataqty ánshi bolý.
- Bizge áli de beımálim qabiletteriń bar ma?
- Óte kóp......... ha-ha-ha, qaljyń. Aldaǵy ýaqytta birtindep ózderińiz kóresizder.
