Dımash «Qytaı daýysyna» qatysyp jatqan qandasymyzǵa sáttilik tiledi

NUR-SULTAN. QazAqparat – Ánshi Dımash Qudaıbergen Qytaıdaǵy «Sing! China» baıqaýyna qatysyp jatqan qandasymyz Madına Dýmanqyzyna sáttilik tiledi, dep habarlaıdy QazAqparat.

«Búgin Madına Dýman atty qaryndasymyzdyń áýelegen ánin tyńdadym. «Qytaı daýysy» jobasynyń tálimgeri Lı Tszıan myrzaǵa meniń ánimdi tańdaǵany úshin alǵys aıtamyn. «I am singer» baıqaýynda men syrqattanyn qalǵan kezde Lı maestro da qalpyma kelýim úshin sırek dári ákelip, kómektesip edi», - dep jazdy ánshi Instagram paraqshasynda .

Sonymen qatar Dımash Madınaǵa da «Umytylmas kún» ánin sheber oryndaǵany úshin rahmet aıtty.

«Qaıda bolsyn osy ándi shyrqaımyn deseńizder qarsylyǵym joq. Osyndaı keremet ánshiniń shyǵarmamdy oryndap jatqany men úshin zor baqyt. Sáttilik Madına. Ataq-abyroıy asqaq ánshige aınalaryńa senimdimin. Armandarǵa qadam basa ber», - dep jazdy ánshi.

Eske sala ketsek buǵan deıin Qytaıdaǵy tanymaly óner básekesiniń biri sanalatyn «Qytaı daýysy» (Sing! China) mýzykalyq jobasyna qatysyp jatqan qandasymyz Mádına Dýmanqyzy Dımashtyń «Umytylmas kún» ánin oryndaǵan edi.