Dımash Qudaıbergenovke tamsanǵan qytaılyqtar týraly ázil vıdeo jarııalandy
ASTANA. QazAqparat - Ánshi Dımash Qudaıbergenovtiń ónerine tamsanǵan qytaılyqtar týraly ázil vıdeo áleýmettik jelilerde keńinen taralýda.
Onda ár-túrli fılmderdiń epızodtarynan úzindiler berilip, otandasymyzdyń ónerine tánti bolǵan jankúıerlerdiń beınesin jaqsy sáıkestendire bilgen.
Qytaıdyń Sina Weibo (Tvıtterdiń balamasy) áleýmettik jelisine júktelgen vıdeony bir kúnniń ishinde 3 mıllıon 340 myńnan astam adam tamashalap úlgergen.
Aıta keteıik, Qytaıdyń Hýnan TV telearnasynyń «singer2017» án baıqaýyna qatysyp jatqan otandasymyz Dımash Qudaıbergenovtiń Qytaıda tanymaldylyǵy artyp keledi. Alǵashqy aınalymda-aq oryndaý jaǵynan óte kúrdeli bolyp sanalatyn frantsýzdyń áıgili «SOS d'un terrien en détresse» ánin oryndap, ádil qazylardy aýzyna qaratqan edi . Qazaq atyn álemge tanytqan ánshige Qytaıdaǵy qandastarymyz jarysa óleń arnaýda.
