Dımash Qudaıbergenov qytaılyqtarǵa «Anaǵa sálem» akapellasyn shyrqap berdi
Vıdeo Sina Weibo áleýmettik jelisine ornalastyrylǵan.
Dımash Qudaıbergen «I'm in China» jobasy aıasynda birinshi resmı elshi retinde pandalardyń qoryǵynda boldy .
«Búkilálemdik janýarlardy qorǵaý uıymynyń logotıpinen pandanyń sýretin kórgende «ne sebepti dál osy janýar qyzyl kitapqa enip jatqan myńdaǵan tirshilik ıesinen birinshi orynda úlken nazarǵa ıe?» dep oılaıtyn bolarsyzdar?! Bul janýardyń álem boıynsha 2 myńǵa jýyq qana sany qalypty. Ómir súrýleri erekshe! Minezderi adamǵa uqsas. Renjip qalady, erkeleıdi!... Men keshe olarmen kezdestim...», - dep jazdy ánshi Instagramdaǵy paraqshasynda.
Sondaı-aq Dımash Qudaıbergen Qytaıdyń Sychýan ólkesi jer júzindegi barlyq pandalardyń otany bolyp tabylatynyn jazdy.
«Kóne Chendýdiń tar kóshelerinde halyq mýzykasy oınap turdy, mektepterdiń biriniń balalary men muǵalimderi ánshige sahnalyq qoıylym kórsetti. Dımash óz qalaýymen kósheni óziniń taza, joǵary daýysymen jańǵyrtty», - dep jazdy qytaılyq BAQ.
Dımash Sychýan ashanasynyń dámin tatty, qalaǵa jeke kontsertin berýge nıetti ekendigin jetkizdi.
Eske salaıyq, osy kúnderi otandasymyz Qytaıdyń Hunan.TV telearnasyndaǵy «Singer» án baıqaýyna qatysyp jatyr. Búgingi ýaqytqa deıin baıqaýdyń irikteý 6 kezeńi ótti, barlyǵy 10 kezeńnen turady. Dımash olardyń barlyǵynda da qajetti daýystar jınap, kelesi kezeńge ótip otyrdy. 
Erekshe talantymen qytaılyq kórermenderdi tamsandyrǵan ol, birneshe kezeńde alǵashqy orynnan kórindi. Dımash Qudaıbergen qytaılyq sahnada frantsýz tilindegi «SOS d'un terrien en détresse » kompozıtsııasyn, 28 qańtar kúni ótken ekinshi kezeńde reseılik Vıtastyń «Opera №2 » ánin, Queen tobynyń «Show must go on » ánin, qytaı tilinde «Kúzgi muń », Pıter Djın Ernandestiń (Brýno Mars) repertýarynan «Uptown Funk » ánderin jáne sońǵy ótken 6-kezeńniń túsiriliminde álemge tanymal ánshi Lara Fabıannyń repertýarynan «Adagio » ánin oryndady.
Bul kezeń Qytaı telearnalarynyń efırinde 25 aqpan kúni kórsetiledi. Qytaılyq áleýmettik jelilerdiń jazýynsha, Dımash atalmysh sońǵy kezeńde birinshi orynǵa qol jetkizdi.
