Dımash Qudaıbergenov Qytaıdyń merekelik kontsertinde óner kórsetti
ASTANA. QazAqparat - Qazaqstandyq ánshi Dımash Qudaıbergenov Hýnan telearnasynyń Qytaıdyń Kóktem merekesine (Qytaıdyń jańa jyly) arnalǵan kontsertke qonaq bolyp óner kórsetti, dep habarlaıdy QazAqparat tilshisi.
Dımash sahnaǵa: «Assalaýmaǵalaıkým aǵaıyn, jańa jyl qutty bolsyn!», - dep shyqty. Sondaı-aq, «Opera 2» ánimen qytaılyq kórermenderdi taǵy da tánti etip, merekelik kóńil-kúı syılady.
Qytaıdyń kóne kúntizbesi boıynsha ár jyl saıyn qytaı Jańa jyly 12 qańtar men 19 aqpan aralyǵynda keledi. Osy ýaqyt jyl basyndaǵy jańa týǵan aıǵa sáıkes keledi. Gregorıan kúntizbesi engizilgennen keıin bul merekeni batystyq jańa jyldan ajyratý úshin «Kóktem merekesi» dep ataıtyn boldy.
Aıta keterligi, otandasymyz Hýnan telearnasynyń «Singer2017» án baıqaýyna qatysyp jatyr. Buǵan deıin ánshiniń baıqaýdaǵy sátti óneri týraly habarlaǵan bolatynbyz. Ánshiniń talantyna tań-tamasha bolǵan qytaılyqtardyń qarasy kóbeıip, onyń Sina Weibo (Týıtterdiń balamasy) mıkroblogyna jazylýshylardyń sany 1 mıllıon 200 myńnan asyp ketken.
