Dımash Qudaıbergenov China Top music Awards baıqaýynda óner kórsetedi
Dımashtyń prodıýseri Alpamys Shárimov áleýmettik jelide Dımash óner kórsetkeli otyrǵan keremet zor oqıǵadan habardar etti.
«Erteń keshki saǵat 19:30-da Dragon TV telearnasynyń tikeleı efırinde Azııa aýmaǵyndaǵy eń iri - «China Top music Awards» sharasy ótedi. Bizdiń Dımash «Eń úzdik Azııa ánshisi» (Best Asia popular singer)» atalymyna usynyldy»,-dep jazdy Shárimov.
Ol sonymen qatar osy keshte Dımashtyń ózge de Azııa oryndaýshylarymen birge qyzyl jolaqtan ótip baryp, óz ónerin qalyń kópshiliktiń nazaryna usynatynyn aıtty.
Aıta keteıik, China Top music Awards 2001 jyldan beri uıymdastyrylp kele jatqan daryndy oryndaýshylardy marapattaıtyn shara. Ol Qytaı mýzykalyq qoǵamdastyǵyndaǵy eń aıtýly oqıǵalardyń biri sanalady. Sonymen qatar osy syılyqty qytaılyq Gremmı syılyǵy dep te ataıdy.
Esterińizge sala ketemiz, Dımash Qudaıbergenov Qytaıdaǵy reıtıngtik «Singer» teleshoýyna qatysýda. Ol 10-shy maýsymda 3-shi oryn aldy. Osylaısha ol endi fınalda óner kórsetý quqyǵyna ıe boldy. Osy baıqaýǵa qatysa otyryp, ol qytaılyqtardyń zor yqylasyna bólendi jáne keńinen tanymal bola tústi.
Qurmetti, Dostar! Taǵy da taqym qysatyn sát keldi. Erteń Tikeleı efır 19:30-da Dragon TV(东方卫视) arnasynda Azııanyń eń úlken masshtabtaǵy marapaty "China Top music Awards(东方风云榜)" sharasy ótedi. Dımashymyz @kudaibergenov.dimash "Best Asia popular singer (Azııanyń Eń tanymal ánshisi)" nomınatsııasyna usynylǵandardyń qatarynda. Alǵash qatysyp otyrǵan xalyqaralyq marapattan úmitimiz zor!!! Osy keshte Azııanyń ánshilerimen birge qyzyl kilemnen ótip, óner kórsetetin bolady. Bári de Sizderdiń tilekterińizben! Al, jaqsylyqqa jorıyq!!! #DQ #TheSingerDimash #dimash #Singer #Shanxaı
