Dımash Qudaıbergenniń áni Polsha chartynda bir jyl boıy kósh bastap tur

ASTANA. KAZINFORM — Dımash Qudaıbergenniń «Love’s Not Over Yet» kompozıtsııasy Radio Olsztyn (Polsha) hıt-paradynda 52 apta boıy birinshi orynda tur. Bul týraly dimashnews.com saıty jazdy.  

Osy kezeń ishinde kompozıtsııa tek bir ret qana kóshbasshylyqty ýaqytsha joǵaltyp, bir aptaǵa ekinshi orynǵa túsip qalyp, keıin qaıta reıtıngtiń joǵarǵy satysyna oralǵan. Charttyń shyńynda uzaq ýaqyt boıy turaqtaýy sátti týyndy bolýynan ǵana emes, sonymen qatar polsha tyńdarmandary tarapynan kórsetilgen aıryqsha qoldaýdy da aıǵaqtaıdy.

Hıt-parad arhıvindegi «1. Bez zmian. 52 tydzień na liście» degen ataý «1. Ózgerissiz. Tizimdegi 52-apta» dep aýdarylady. Bul kompozıtsııanyń reıtıngtiń eń joǵary satysynda rekordtyq merzim boıy turǵanyn dáleldeıdi.

Eske sala keteıik, Túrkistanda túsirilgen halyqaralyq telejoba 100 mln-nan asa qaralym jınaǵan bolatyn. Byltyr ol atqarýshy prodıýserlik etetin «Voice Beyond Horizon» halyqaralyq mýzykalyq shoýynyń túsirilimi bastalǵan bolatyn.