Dımash Qudaıbergenniń álemdik týry bosqyndar máselesine nazar aýdartpaq

ASTANA. KAZINFORM – Halyqaralyq kóshi-qon uıymy (HKU) óziniń Іzgi nıet elshisi, álemge áıgili qazaqstandyq ánshi Dımash Qudaıbergenmen birlesip jańa bastamany iske qosqanyn málimdedi, dep habarlaıdy BUU jańalyqtary. 

Aldaǵy álemdik týry aıasynda ártis mıllıondaǵan mıgrant pen májbúrli túrde qonys aýdarǵandar tap bolyp otyrǵan jahandyq gýmanıtarlyq daǵdarys pen qıyndyqtarǵa qoǵam nazaryn aýdarmaq.

HKU atap ótkendeı, ánshimen yntymaqtastyq adamdardyń daǵdarys jaǵdaıynda tap bolatyn qıyndyqtary týraly keńinen baıandaýǵa jáne agenttiktiń jumysyna qoldaý kórsetý úshin qarajat jınaýǵa múmkindik beredi.

— Dımash adamdardy olardyń shyqqan tegine qaramastan biriktire alatyn mýzykanyń kúshi bar ekenine senedi. Onyń HKU-nyń Іzgi nıet elshisi retindegi ustanymy kóshi-qon — adamzat tarıhynyń ajyramas bóligi degen ortaq senimimizdi beıneleıdi. Ár adam óz úlesin qosyp, qoǵamnyń bir bóligine aınalyp, ózine jáne óz qaýymdastyǵyna jaqsy bolashaq qurý múmkindigine laıyq, — dedi Halyqaralyq kóshi-qon uıymynyń Bas dırektory Emı Poýp. 

Aıta ketelik Dımash Qudaıbergendi jankúıerleri Nıý-Iorkte qoshemet kórsetip qarsy alǵan edi.