Dımash Qudaıbergenniń Youtube arnasy «altyn batyrmaǵa» ıe boldy
Bul jaıynda Dımash Qudaıbergenniń ózi Instagram paraqshasynda aıtty.
«Búgin bizdiń Youtube arnamyzda kórermen sany 1 mıllıonnan asyp, osy jeliniń «altyn batyrmasyn» aldyq. Eń aldymen kishigirim ónerime baǵa berip, «osy balanyń bolashaǵy jarqyn bolsyn» dep tileýimdi tilep otyrǵan búkil álemdegi tyńdarmandarymnyń árqaısyna erekshe alǵys aıtqym keledi. Sondaı-aq birge jumys istep júrgen menedjerlerime, shyǵarmashylyǵyma atsalysyp júrgen jandarǵa rızashylyǵymdy bildiremin. Árıne, sonymen qatar ata-anama, týǵan-týys, aǵaıyn-baýyryma, jerlesterime rahmet» dep aǵynan jarylady vıdeoda Dımash Qudaıbergen.
Aıta keteıik, Dımash Qudaıbergenniń resmı Youtube arnasy 2017 jyldyń 27 qazanynda jumysyn bastaǵan.
Qazirgi tańda arnaǵa 1,2 mln adam jazylǵan. Qaralym sany 150 mıllıonǵa jýyqtaǵan.
