Dımash Qudaıbergenniń ustazy Baqytty Bala baıqaýyna qatysýshylarǵa sheberlik saǵatyn ótkizdi

AQTÓBE. QazAqparat – Aqtóbedegi «Green Land» saıabaǵynda «Baqytty Bala-2022» vokaldyq baıqaýyna qatysýshylarmen kezdesý ótti. Onda qazaqstandyqtar ózderiniń hobbıleri jaıly aıtsa, shetelden kelgen vokalıster elimizden alǵan áserlerimen bólisti. Buǵan qosa, kesh barysynda Dımash Qudaıbergenniń ustazy sheberlik saǵatyn ótkizdi, dep habarlaıdy QazAqparat tilshisi dimashnews saıtyna silteme jasap.

IV «Baqytty Bala-2022» vokaldyq festıvali 9 tamyzda Aqtóbe qalasynda bastaldy. Bıyl baıqaýǵa qatysýǵa 200 ótinim túsken. Olardyń ishinen ónerimen erekshelengen 21 jas ánshi fınalǵa joldama aldy.

Konkýrska qatysýshylarǵa birneshe kún boıy beldi mamandar sheberlik saǵattaryn ótkizip, arnaıy ekskýrsııa uıymdastyrdy. Keshe belgili ánshi Dımash Qudaıbergenniń ustazy vokaldyq oryndaýǵa qatysty paıdaly keńesterimen bólisti. Sondaı-aq, ol qatysýshylardyń aldaǵy qoıylymdary qandaı talaptar boıynsha baǵalanatynyn aıtty.

Kesh sońynda qatysýshylar jerebe tartty. Onyń nátıjesi boıynsha saıystyń fınalynda birinshi bolyp qaraǵandylyq Asylaıym Bolatqazy óner kórsetpek.

Foto: ru.dimashnews.com