Dımash Qudaıbergenniń shyǵarmashylyǵyna arnalǵan baıqaý jarııalandy
Úzdik sýret týyndylary 26 maýsym - 26 shilde aralyǵynda «Máńgilik el» qaqpasyndaǵy Zamanaýı óner galereıasyna qoıylady. Olardy kórme kelýshileri men Dımash Qudaıbergenovtiń fanattary satyp ala alady.
«Baıqaýǵa kartınalar, músinder, kesteler men Dımash Qudaıbergenniń basqa da tehnıkalarda oryndalǵan sýretteri qabyldanady. Onda kásipqoı jáne áýesqoı sýretshiler, stýdentter, sándik-qoldanbaly óner sheberleri jáne kez kelgen adam qatysa alady. Qatysýshylarǵa esh shekteý qoıylmaıdy. Kórmege qatysýǵa ótinimder men týyndylardyń fotosýretteri 5-20 maýsym aralyǵynda triumf.arka@mail.ru elektrondy mekenjaıyna joldanýy tıis», - delingen basqarmanyń resmı habarlamasynda.
Kórmege kirý úshin «Máńgilik el» qaqpasyna bılet satyp alý kerek: eresekter úshin - 500 tg., balalar úshin - 350 (7 jasqa deıingi balalarǵa tegin), stýdentter men jeńildigi bar sanattaǵy azamattarǵa - 250 tg.
Eske salaıyq, Dımash Qudaıbergenovtiń jeke kontserti 29 maýsymda «Astana Arena» stadıonynda ótedi. Dımashtyń «Arnaý» atty shoý baǵdarlamasy Elorda kúnine arnalady. Kontsertke álemniń 15 memleketinen Dımashtyń fanattary keledi.
