Dımash Qudaıbergenniń burynǵy menedjeri «J1-Jastar1» arnasynyń prodıýseri boldy
ASTANA. QazAqparat - Ánshi Dımash Qudaıbergenniń burynǵy menedjeri Alpamys Shárimov qazaqstandyq jastarǵa arnaǵlan «J1-Jastar1» telearnasynyń kreatıvti prodıýseri bolyp bardy, dep habarlaıdy «QazAqparat» HAA tilshisi.
Aıta ketsek, «J1-Jastar1» telearnasy Qazaqstan jastarynyń talaptaryn qanaǵattandyratyn zamanaýı televızııalyq trendterdi taratatyn, jastardyń jobalaryn, oı-pikirlerin qoldaýǵa, sonymen qatar olardyń arasyndaǵy ózekti máselelerdi sheshýge baǵyttalǵan jańa formattaǵy arna. Telearna 2018 jyldyń 28 naýryzynda ID TV platformasynda, ıÝtýb pen Instagram áleýmettik jelilerinde iske qosyldy. Bolashaqta Otaý TV kabel júıesi arqyly taratý josparlanyp otyr.
«Meniń ózim jastar kategorııasyna kiretin adammyn. Jasym 26-da. Osy arnaǵa kelip, eńbek jolymdy jalǵastyryp kele jatqanyma qýanyshtymyn. Sebebi, bul bizdiń alań. Osy alańda erkin qyzmet ete bilý - men úshin úlken múmkindik. Trendte qazir ne bar? Trend - jastardyń barlyǵynyń bas qosyp oılap tabatyn dúnıesi. Bizge kelgen adamdardyń barlyǵy da jastar. Bul jastar tanystyqpen emes, kastıng boıynsha kelgen órender», - deıdi Alpamys Shárimov OKQ-da ótken telearnanyń tusaýkeserinde.
Onyń aıtýynsha, Batysty nemese Shyǵysty, máselen Qytaıdy alyp qaraıtyn bolsaq, telearnanyń barlyǵy múmkindiginshe kez kelgen adamnyń «qolynda» júredi.
«Sol sekildi ıÝtýb arqyly bizdiń arnany tamashalaı alasyzdar. Bul bizdiń basty ustanyp otyrǵan tehnıkalyq múmkinshilikterimiz. Sonymen qatar, arnanyń logotıpi týraly aıtyp ótsem. Bizdiń logotıpimizdiń ózi aq tústi. Jastar - olar páktiktiń belgisi. Jastar erkin. Logotıpte tómengi jaǵy - ilmek, ilgish bolsa, joǵarǵy jaǵy - baǵyt-baǵdar kórsetedi. ıAǵnı, jastardy ilip alyp, olardy bıikke baǵyttaýdy basty maqsat etip aldyq. Jastar búgingi tańda jeńil oıly emes, ártúrli. Arna ujymy árbir jastyń oıymen sanasa otyryp, ortaq jastardyń qalaýymen shyǵatyn úlken alań qurýdy maqsat tutyp otyr. Bárińizdi «J1-Jastar1» telearnasyn kórýge shaqyramyn», - dedi ol.
Alpamys Shárimov telearnaǵa bas dırektor Іlııas Basharulynyń shaqyrtýymen kelgenin aıtady.
«Jalpy, meniń salam - televızııa salasy. Televızııada birinshi ret eńbek etkeli otyrǵan joqpyn. Budan buryn «Sheteldegi qazaq balasy» jobasy, joǵarǵy reıtıng jınaǵan Nurlan Qoıanbaevpen birge «Túngi stýdııa» jobasynda, «Siz ne deısiz», «Hello Qazaqstan» sııaqty jobalardyń prodıýsseri boldym. Ózimniń ómirlik tájirıbem - osy televızııa. Sondyqtan, osy baǵyttan kete almaımyn», - deıdi prodsser.
Foto: stan.kz
